انا وصاحبى سيكا ويوميات انتيكه .....

**أيام الطفوله** · 03-10-2008, 05:26 AM

يعني سؤال ثاني واد عندكم (شي مش حلو ) يعني عندنا أظن ولد يعني (إستصغارللشأن أظن )صح

**matr!x** · 03-10-2008, 05:36 PM

اه مظبوط
انا مثلا لو واحد قالى يا واد
هنقرا عليه الفاتحه مع بعض هههههه
بهزر على فكره
بس هى فعلا لما حد يقول على حد واد عندنا هى إستصغارللشأن ومبتتقالش غير للاطفال بس
واى استفسار انا تحت امرك

**أيام الطفوله** · 03-10-2008, 07:14 PM

آسفه ماكنت أدري

**matr!x** · 04-10-2008, 01:21 AM

لا ولايهمك
الحلقه التانيه فى الرد الجاى

**matr!x** · 04-10-2008, 01:22 AM

الحلقه التانيه
سيكا هيطلع من المستشفى

لما طلعت قعدت مع ابو سيكا لحد ما الدكتور ييجى فضل يقولى انت عملت فى ابنى ايه
وانا احلفله ما عملت حاجه يقولى طب شربتوا ايه على القهوه
قولتله اكتر من اتنين كوكتيل وواحد شاى مفيش
شويه ولقيت ام سيكا واخو سيكا اللمض جايين
ابو سيكا راح على ام سيكا يسالها هى جات ليه دلوقتى
ردت عليه وهى بتعيط انها متقدرش تسيب ابنها فى المستشفى وهى تفضل فى البيت
المشكله انها جابت ابنها اللمض معاها
شويه والدكتور وصل
ابو سيكا راح عليه وساله على ابنه الدكتور رد عليه وقاله ان المسئله بسيطه
وسيكا ممكن يخرج النهارده بس هو يفوق من الغيبوبه
ساله على سبب الغيبوبه قاله من سهره امبارح والى شربه امبارح
رحت انا على الدكتور وقلتله على الجلطه قالى جلطه ايه
الظاهر ابوه فهم الدكتور غلط اصله تعليمه على اده
سالت الدكتور سيكا هيفوق امته قالى حسب الظروف ممكن دلوقتى ممكن بكرا
فرحت بصراحه جريت على سيكا قعدت جمبه فضلت ابص عليه
صعبان عليا .. شويه ولفيته بدا يتحرك وينده عليا
ايه ده ده بينده عليا انا مش مصدق .. المفروض ينده على ابوه على امه على اخوه اللمض انما ينده على صاحبه
غريبه شويه قربت منه ومسكت ايه وقلتله حمد لله على سلامتك ياسيكا
سيكا بصلى وقالى بصوت تعبان الله يسلمك
جريت على ابوه قولتله ان سيكا قام بالسلامه
لقيت ابوه دخل وامه كمان واخوه اللمض وجريت انا على الدكتور اقوله انه فاق وهيخرج النهارده
دخلت غرفه موجود مكتب عليه كمبيوتر قديم عليه كميه تراب كفيله تقتل الدكتور نفسه
دخلت قولتله يجى يشوف سيكا علشان يخرج
الدكتور قام من على المكتب القديم وحاله زى حال الكمبيوتر
نفس كميه التراب او اكتر شويه وكفيله تموت مرضى المستشفى
وصلنا عند غرفه سيكا دخلنا
منظر رهيب ابو سيكا وامه عمالين يبكوا وسيكا نايم على السرير والواد اخوه اللمض قاعد جمبه على السرير
الدكتور راح وكشف عليه بس قال انه مش هيقدر يخرج دلوقتى لازم يفضل 24 ساعه كمان علشان لو حصل حاجه
لقدر الله
انا مش فاهم الدكتور ماله ولا التراب مقصر عليه هو من شويه مش قال انه هيخرج لما يفوق
الحاج ابو سيكا قال لازم يخرج النهارده ولو جراله حاجه نبقى نجيبه تانى
الى زعلنى كلام الدكتور ومستواه بصراحه مينفعش يبقى دكتور لازم الدكتور يبقى واثق فى كلامه
المهم ابو سيكا اخد سيكا وروحوا على البيت غصب عن الدكتور طبعا بس ابو سيكا كتب
ورقه كده انه اخده قبل ما يعدى 24 ساعه
خير خير
المهم انه يطلع سليم مش ناقص كليه ولا طحال ولا حاجه
خدناه ورحنا على البيت
دخلنا الغرفه بتاعته نيمناه على السرير
ام سيكا سابتنا وراحت تعمله فرخه ياكلها وابو سيكا راح يستريح شويه من التعب
وفضلت انا وسيكا والواد اخوه اللمض
اخو سيكا اللمض _ انا عارف انتوا كنتوا بتشربوا ايه فى القهوه
انا _ ولا يا لمض روح شوف ابوك بيعمل ايه اجرى
اخو سيكا _ لا مش رايح وبعدين الحجات دى حرام مش لازم يعنى
انا _ سيكا قول حاجه لاخوك بدل ما اخسركوا نتوا الاتنين
سيكا _ هو مش هيعرف يتكلم علشان هو تعبان
اخو سيكا _ هقوم انا امشى وابقى اجى يوم تانى يكون الواد ده نايم او ميت
سيكا بصوت واطى _ خلاص روح انت بس ابقى تعال تانى
اخو سيكا _ لا ياعم يروح فين هو لو روح دلوقتى ابوه هيضربه زى كل مره
انا _ او على الاقل هيدينى كلمتين يضايقونى ... تصدق اول مره تقول كلمه حلوه .. بس لا انا لازم اروح
دا حالف عليا ياجماعه
اخو سيكا _ روح ومتجيش هنا تانى
انا _ هو محدش هنا بيقولك عيب ولا انتا اصلا تعرف يعنى ايه عيب ؟؟ .. استغفر الله العظينم
.. انا مش عارف انا عملت غلط ايه فى حياتى علشان ربنا يعمل فيا كده
المهم سبتهم ومشيت وروحت البيت
وبكده تكون خلصت الحلقه التانيه
انتظروا الحلقه التالته

**أيام الطفوله** · 04-10-2008, 01:23 AM

ننتظر المسلسل بس مانبي ينفطع باللحظه الحاسمه ويحطون إعلانات كحال القنوات الفضائيه

**أيام الطفوله** · 04-10-2008, 01:28 AM

رائع_____________ دخلت غرفه موجود مكتب عليه كمبيوتر قديم عليه كميه تراب كفيله تقتل الدكتور نفسه
دخلت قولتله يجى يشوف سيكا علشان يخرج
الدكتور قام من على المكتب القديم وحاله زى حال الكمبيوتر ___________ههههههههههههههههه

**khokha72** · 04-10-2008, 05:36 AM

ماشاء الله عليك يا مبدع
منتظرين الحلقه الثالثه بس علطول يا علاء
بجد حلقه حلوه وشكلك انت واخو سيكا بينكم حوار جامد

**اللؤلؤة السوداء** · 04-10-2008, 06:23 PM

يسلموووو أخوي عالمسلسل الرائع..... ننتظرك

**khokha72** · 10-10-2008, 05:43 PM

فين يا علاء الحلقه الثالثه.......................؟

**eljazar_2007** · 13-10-2008, 03:54 AM

تمام يا علاء جميل جدا بس كدا من ورايا ماشى ياعم منتظرين باقى الحلقات بس بسرعه يا علاء فهمنى طبعا

**أيام الطفوله** · 21-10-2008, 09:05 AM

ننتظر الحلقات الباقيه

**matr!x** · 22-10-2008, 03:11 AM

اسف يا جماعه مش هقدر اكمل بقيه الاجزاء دلوقتى
سمحونى

**اللؤلؤة السوداء** · 24-10-2008, 05:37 AM

خذ راحتك أخوي ترى أهم شئ عندنا راحتك وتسلم عالمسلسل الرائع مرة ثانية...