مهمومه حزينه؟ فبالج شي تبينه يتحقق؟ عيل تعالي ويايه > روعه لا يفووووتج

*كنت ~يوما*

السلامــ عليكمــ ورحمة الله وبركاتهــــ

(((هذا الموضوع منقول وعجبني حيل وقلت انقله عشان الكل يستفيد وتراه منقول بالحرف بدون زيادة ولانقصان واتمنى ان الكل يستفيد منه )))


بسم الله نبدأ ...



<<السلامــ عليكمــ ورحمة الله وبركاتهــــ


مرحبابكن بنات بلادي،، وحتى اللي مب من بلادي حياااااها والله،، نورت الصفحه،،

خواتي اليوووم موظوووعي غيررر غيرررر،، صدق اللي تحس عمرها مظايجه وحزينه او فخاطرها شي وما تحقق او مهمومه او اي شي،،

فبقولها عزيزتي ما غلطتي يوم دخلتي موظوعي لانج صدق بتستفيدين وما بتطلعين الا وانتي مستانسه وبتحسين هموم الدنيا طاحت عنج،،

كلنا ناس وكلنا لنا حاجاات ونمر فابتلاءات وفمشاكل وضغوط هالحياة وصدمات من ناس ومواقف تخلينا صدق نتعب ونهتم ونسكن الحزن قلوبنا،،

بس عزيزتي اللي تقرين كلماتي الحين بعطيييج اشااااراتـــ وخطوات اعتبريها شرات الدواء،، وتحتاجينه صدقيني علشان يتحققلج اللي فبالج،،

كلمات وعبارات ارسلها لج من قلبي،، وكلي ثقه انها بتوصل قلبج وبتدخله علطوووول وبتسكنه،، وكلامي مب من هوى،، بالعكس من تجارب ناس حقيقيه،،

حاولت قد ما اقدر اجمعهن فموظوع واحد،، لاني صدق صدق اشوفنا محتاجين له،،،


خواتي: اللي عندها مشكله،، واللي تعاني من زوجها،، واللي تبى تحمل،، واللي تبى تنجح وتتخرج،، واللي تبى الرزق،، واللي تبى ربي يصلح امورها،، واللي تبى ربي يحققلها اللي فبالها واللي واللي واللي ،،، الـــــــــــــــــــــــخ

تعالي ويايه وانا ابصملج بتحققين اللي تبينه ،، والطريقه وايد سهله،،، جربي طريقتي وبتلاحظين من اول يوم فرق واااااااظح فحياتج،،،



يالله بنبدأ،،،،



أول شي عزيزتي اباج تسجدين الحين شكر وحمدلله رب العالمين،، انه رزقج بنعمة الاسلام ورزقج هالبلاء او هالمشكله علشان يشوف صبرج ويصلحلج حالج ولا تنسين اكيد اشتاقلج ملك الملوووك،،،

واباج تسترخين استرخاااء تام ووتنسين انج من اهل الدنيا،، حديثنا اليوووم غيررر حديث روووح وهمسات قلب وأنين ضمييير يشتكي ،،،

كلنا نذنب ونعصي وكلنا نغلط،، وربي يقووول بما فيه معناه،، لو كانو الناس ما يذنبون،، جان ربي ياب قوووم غيرنا يذنبون فيستغفر لهم،،

والله لهالكلام سلوى للخاطرررر

و لو نعرف شوقه إلينا و إلى عودتنا لذبنا شوقا إليه و لعضضنا أصابعنا حتى يسيل منها الدم ندما على ما فرطنا في جنبه ملك الملوكـــ


عززيزتي،، تعالي عيشي ويايه يوم واحد وجربيه وشوفي شقايل بتغير حياتج،،،

تعااالي ويايه هاتي اييييدج لاتخافين اوعدج ما تنزل دموعج لانج اخترتي تقرعين باب السماء باب ملك الملوك رب العالمين تعااااااااااليـــ غناتيــــــ



اختيه الغاليه،، جربي ويايه نرقد من وقت الساعه 10 بليل،، وخلينا ننوي نقوم الليل لا تقولين صعبه،، سهله والله اذا عندج عيال رقديهم من وقت ورقدي وياهم،، خلونا شوي بعيد عن السهر والافلام والانترنت،،،

شو رايج تظبطين مبايلج وتقومين الساعه 2 ونص،، لا تقولين وايد من وقت،، نحن رقدنا اربع ساعات ونص،، ولا تنسين انه نحن اصحااااب حاجاااات نحتاج ربنا فهالووووووقت،،، ربي ينزل فالثلث الاخير في ليل ويقول هل من تائب فاغفر له وهل من سائل فاعطيه وهل من داعي فاستجيب له ،،

احلى شي الليل يشهد بقصص التائبين ودموع المكروبين وفرح المهمومين بفرجهم،، كوني منهم عزززززيزتي،،،

خلينا نصلي قد ما نقدر ونطول فالقيام لحد الساعه 3 وربع ويفظل لو تقرين سورة البقره فقيام الليل مفعووولها عجيب فالبركه والراحه النفسيه وتخوووز عنج العين والحسد والسحر وكل شيء سبحان الله،،،

وخلو ثلث ساعه ندعي وهنيه احلى ى ى ى شي،، ربي فوووقج علطووول والملائكه حولللليييج،، حتى اني احيانا والله افتح دريشه واتريا اسمع صياح الديج ويصيح وايد هالوقت لانه يشوف الملائكه وقت السحر وهذا وقت فظيييل لدعاء،، اتذكر وحده من الاخوات تقول،، انها تسوي لنفسها اجواء وهي تصلي قيام الليل تسكر الاضواء وتشغل الابجوره وترتب الغرفه وتخليها اجواء فنتكه علشان تتهيأ عدل للصلاه،، لا تصتغرون هالشي،، سبحان الله حتى يمكن ملك مار عندج ويرفع دعوتج،، اصلن يكفي انه ربي قريب عليج ويسمع دعائج



ادعيه من قلب وصيحي فظفظي له اشكيله حالج خبرييييه،، اتركي الشكوى للناس،، اقرعي باب ملك الملووووكـــ،، لج حاجه والناس صدووج،، تبين تحملين تبين زوج صالح تبين أي شي،، ماشي مستحيل ويا ملك الملوووك ،، ادعيه باللي تبينه صيحي وحاول تصيحين واظهري افتقارج ،، ربي يسمعج ويفرح بعودتج

صدقيني بيتحقق ثقي فهالشي ربج يقووول انا عند حسن ظن عبدي بي،،

ناجيييييييييييييييي ملك الملوك اللي يغضب اذا ترك سؤاله،،، الزمي الدعاء وكثريه صدقيني يا ما يشهد الثلث الاخير من الليل عن قصص اللي انفرجت محنتهم وتحققلهم اللي فبالهم،،،

المسلم يسأل الله تعالى من فضله، فهو يعلم أن الله تعالى يريب إليه، ويدفع عنه، وان الدعاء يفع مما نزل ومما لم ينزل وان البلاء لينزل ويلقاه الدعاء، ويعتلجان إلى يوم القيامة.


يقول حكيم: ليس بفقيه من كان له عند الله حاجه ولا يقوم الليل"،،
الله خلصتي الدعاء وصحتي وطلعتي كل اللي فخاطرج وانتي متيقنه لنه ربج بيستجيب،، طيحي عسجاتدج عجنبج اليمين ويلسي استغفري باصابعج عندج نص ساعه تقريبا لين يأذن الفجر


استغفري وااااااايد ربج يقول " والذين بالأسحار هم يستغفِرون " كثررري وايد صدقيني الاستغفار سبب فتحقيق الآمال،، ويفتح الاقفال شكت امراه اشيخ انها ما تحمل

قالها الزمي قيام الليل والاستغفار في الاسحار،، فوالله ما ما مر الا 15 يوم وهي تشعر بآلام ولما كشفت وجدت نفسها حاممممملـــ سبحانك يالله،، لا ترد من سألك ما اعظمك،،،بنسويلنا نظام بعد كلاة صلاة بنستغفر استغفار اظافه لاستغفار الاسحار ،، يالله شكثررر روووعه،،، اتحداج ربي ما يفرجها،، يقول الرسول صلى الله عليه وسلم" من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب،،

أذن الفجر ،، الله شعور جميل نردد ورا الاذان ونرد نكرر بعض الادعيه اللي نحتاجه مره 2،، لا بأس نحن محتاجين نلزم الدعاء ونكررره فكل وقت ونصلي الفجر،، ونقرا اذكار الصباح والمساء تعطيج بركه وقوه وتفتحلج زرق،، وبتلقينها فكتاب حصن المسلم تقدرين تشترينه من تسجيلات او مكتبه ،، وفيه ادعيه لكل شي للكرب وللاستخاره ولدخول البيت ولكل شي ايي عبالج،،



واذا قدرتي لا ترقدين لحد شروق الشمس واستغلي الوقت بالاستغفار والتسبيح وصلي ركعتين وبيكون لج أجر حجه وعمره تامه تامه ،، يقول الرسول -صلى الله عليه وسلم : (( من صلى الصبح في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة ))


والحين ارهقتي صح،، ألله وطي راسج عالمخده وارقدي وشوفي شقايلل بيكون شعورج براااحه وانتي شكيتي ودعيتي لملك الملوووك وتترييين ربي بس يقول كن فيكووون،، وشوفي الاحلام شحلاتها اللي بتشوفينها روووعه،،،

وقومي عيشي حياتج طووول اليوم بين صلاه واستغفار واطلعي واستانسي واظحكي وعيشي حياتج قحصي فالمولات واللي تبينه،، ماشي وقت للهم وللحزن ولا الظيج،، ربي بيفرج كل شي،،، صلي الظحى وتقربي لله بنوافل ولا تنسين الوتر


حافظي على قراءة القران يكفي انه القرآن يشرح الصدر والبااااااااالـــ
، الزم دعاء ذي النون" لا إله إلا انت سبحانك إني كنت من الظالمين" لا تنسين الرسوول قال من دعاه به وهو في كرب استجيب له،،

لا تنسين صدقه مفعولها سحرررررررررررري ،،، واتصدقي وادعي ربج انج تصدقتي بنية ربي يرظى عليه وتقربي بدعائج له باعمالج الصالحه مثل ما سوو أهل الكهف،، والكل يعرف قصتهم،،



عزيزتي هذا اللي كتبته بين سطوري وهذي خلاصة تجربها عشتها واتريا ربي يفرج همي وكربي،، وخلاصة ما وصى به الرسول صلى الله وعليه وسلم وتجارب ناس اللي صدق عاشوها وعرفو انه " ومن اعرض عن ذكري فإن له معيشة ضنكا "

ربي ابتلانا واشتاق يسمع صوتنا فدعااااااااااء،، رجعووو لربنا بكل قوووووه واصرار والزمو دعااااء ثم دعاااء ثم دعااااااء واللي عندها والديها دعائهم مستجااااااب احرصي عهالشي،،، حتى لو تبينهم ما يعرفون دعائج قوليلهم بس قووولو آمييين ،، وعقب ادعي بلي تبينه فداخلج،،



وخلي اليهال يدعوون لج ،، اليهال ما عندهم ذنوووب صغااار،، خليهم يدعون لج،،

ربج ما تعرفين دعوه تصادف وقت استجابه وتنرفع وتكون سبب فانفراج محنتج وكربج،،،

ولازم نصفي قلوبنا صوب كل الناس ونرد الحقوق لاصحابها ونتسامح من اللي غلطنا عليهم وما نغتاب حد،، ترا كل هالاسباب سبب فاستجابة دعاء،، وما نستعجل اهم شي

وربي يفرج همومنا وكروبنا ويحقق لنا اللي فبالنا عاجلا غير آجل لاإله إلا انت سبحانك إني كنت من الظالمين،، واسمحوووولي خواتي طولت عليكن،،،

وكلنا موجودين هنيه فهالموظوووع وبنشجع بعض خواتي،، وبنتواصل بدعاااااء،، بس صدق والله يا خواتي حطي هالمعادله فبالج:

الدعاء+ قيام الليل+ الاستغفار+ الصدقه + حسن الظن بالله = فرج فرج فرج وتحقيق للآمال ورظى ملك الملوووك

وما تخييييلن كيف اهداءات رب العالمين عالصبر عالمصيبه،، الله عظييييم فما بالج كيف بيكون جزاءه واهدائه لج،، حتى بتنفرج محنتج وفوووقها اشياء ما توقعينها من رزق وخير وبركه،، وفي ذلك فليتنافس المتنافسووون

ودعواتكن خواتي ربي يفرج كربي ويحققلي اللي فبالي ،،وجعلها الله من اهل الفردوس الاعلى يارب اللي بتنشر موظوووع ،، اللهم آمين


والحمدالله رب العالمين،،،

اختكنــ في الله





منقووووووووووووووووووووووووووووووووووول وهذا طلب من صاحبة الموضوع جزاها الله الف خير وهي (( وحدهcooool ))>>





انتهى كلام الاخت الله يجزاها الف خير وان شالله الكل يستفيد ,,,


اختكم :
*كنت ~يوما*

sea

الله يجزاك كل خير نقل مميز جدا أسأل الله ان يجعله في ميزان حسناتك

جميع العبارات جميله

لكن دشني اكثر

حافظي على قراءة القران يكفي انه القرآن يشرح الصدر والبااااااااالـــ
، الزم دعاء ذي النون" لا إله إلا انت سبحانك إني كنت من الظالمين" لا تنسين الرسوول قال من دعاه به وهو في كرب استجيب له،،

__________________

*كنت ~يوما*

الله يوفق الجميع ان شالله


يسلم المرور الطيب

khokha72

جزاكى الله خيرا اختى كنت يوما على هذا النقل الرائع
اللهم انك علام الغيوب فكاك الكروب فافكك كربنا وكرب المسلمين اجمعين
جعله الله فى ميزان حسناتك اختى الكريمه وفى ميزان حسنات كاتبه الموضوع

__________________

سبحان الله و بحمده .. سبحان الله و العظيم

ستة أشياء إذا ذكرتها هانت عليك مصيبتك - أن تذكر أن كل شيء بقضاء وقدرالله عز وجل - وأن الجزع لا يرد القضاء وأن ما أنت فيه أخف مما هو أكبر منه - وأن ما بقي لك أكثر مما أخذ منك - وأن لكل قدر حكمة لو علمتها لرأيت المصيبة هي عين النعمة - وأن كل مصيبة للمؤمن لا تخلو من ثواب ومغفرة أو تمحيص أو رفعة شأن أو دفع بلاء وما عند الله خير وأبقى) " اللهم لك الحمد لله كما ينبغى للجلال وجهة وعظيم سلطانه"

شوق الكويت

الله يجزاج خير كنت يوما عالموضوع الحلو

كلمات يعجر اللسان الرد عليهااا

الله يهدي الجميع يااارب

في ميزان حسناتج ان شالله

__________________

*كنت ~يوما*

تسلمون خوخة وشوق الكويت عالمرور ...

أيام الطفوله

درر يا إختي الله يفرج همومنا ويسعدنا بالدارين_____________جزاك الله خير

raw3atolkhali9

سلمت يداك اختي كنت يوما ما شاء الله عليك
وجزاك الله كل خير

__________________

خـجـل الـعـذاري

يسلمووووووووووو اختي كنت يوما

ع النقل المتميز لهالموضوع وتسلم

أناملك ع النقل

تقبلي مروري
أختك
خجل العذاري

__________________


سبحان الله و بحمده .. سبحان الله العظيم

المولع بالغرام

يزاج الله خير على الطرح

دمتي بود

__________________

*كنت ~يوما*

تسلمون عالمرور وان شالله الكل استفاد ولو شي بسيط من هالنقل