تابعوا معى تورته البسكويت (سهله جدا)

النهارده وبما اننى نجحت فى امتحاناتى عايزه اشاركم فى احتفالى

هى فكره مجنونه شويه ........ هقولكم النهارده على فكره تورته سهله وممكن تعملوها بس لما تعملوها تفتكرونى وانتوا بتكلوها ........

المهم المكونات .............


ربع كيلو زبده

كوبين سكر

بيضتان

شكولاته خام حب الاحتياج

حوالى 12 كيس بسكوت لوكس الساده ( لو مش متوفر حطوا اى بسكويت ساده عندكم )

فورمسيل للتزويق او ممكن جوز الهند او مش لازم خالص وممكن تفضل بشكلها (حسب الراحه الشخصيه )


الطريقه......................


نخلط الزبده بالسكر على النار حتى يندمجوا ثم نضع البيض وده كله على النار الهادئه

نكسر البسكويت كله لقطه صغيره نسبيا ونخلطه بالزبد والسكر والبيض المندمجين ليتماسك و

نقوم بتسييح الشوكلاته الخام ونضعها فى حمام الماء


وبعد اعداد كل ذلك ناتى بصينيه متوسطه ونضع فيها راقه من البسكويت ثم نضع راقه شوكولاته
ثم نضع راقه اخرى من البسكويت ثم نضع راقه من الشوكولاته

(ملحوظه عند وضع راقه البسكويت الاولى ورصه جيدا ندخل الصينيه الفريزر ليتماسك لمده ساعتين او اكثر وبعد وضع كل راقه ندخل الصينيه الفريزر ليتماسك القوام ونعيد تللك العمليه مع كل راقه )

الموضوع يحتاح لصبر بس الطعم جميل جدا
يا رب تجربوها ومن يحتاج لمزيد من الاستفسارات يخبرنى

وفى النهايه بعد وضع الراقات ووضعها فى الثلاجه كما ذكرنا من قبل نخرجها ونضع عليها فورمسل

وبالهنا والشفا..............
ان شاء الله تعجبكم وتجربوها وافتكرونى وانتوا بتكلوها

والى اللقاء........