من الرياض الى صلالة ؟؟؟؟

[السايلر]

السلام عليكم ورحمة الله وبركاته

سأحل ضيفاً على اهل صلالة في 15/8/1428 أنشا الله

وانا من اهل الرياض ومتشوق مرررررررررررة لزيارة صلالة
ولكن كل ماقلت لأحد قالي والله بعيد مرة ,,,
من الي يفيدني عن أقرب الطرق من الرياض الى صلالة
وكم كيلو متر .
ودمتم في رعاية الله وحفظة



=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
=== هذه الرسالة تلقائية ===

[أبو محمد]

تقريبا 3 الف ميلو متر وسيتم نقل موضوعك لقسم خريف صلالة
وستجد كل ماطلبته

[السايلر]

ابك ابك ابك
3الف ميلو متر
يعني كم يساوي عندنا بالسعودية D#@


يقولون فية اكثر من طريق
وش افضلها يابو محمد الله لا يهينك

[أبو محمد]

الطريق العامة الرئيسي لضمان سفر مريح وآمن من حيث المنعطفات

[الحيائي]

وشلون طريق صلالة ان اخر شي وصلة له في عبري


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
=== هذه الرسالة تلقائية ===

[الحيائي]

:):)وشلون طريق صلالة ان اخر شي وصلة له في عبري

[أبومحمد القصيمي]

السلام عليكم
العام الماضي تشرفت بزيارة صلالة الحبيبة
كانت انطلاقتنا من منطقة القصيم على الرياض من الرياض
على طريق حرض على منفذ بطحاء الإمارات على العين دخلنا الحدود العمانيه مدينة عبري تبعد عن
الحدود إن لم تخني الذاكره قرابة 100 كيلو تزيدقليلا او تنقص




والطريق سالك زي الحلاوة بس عندك شوي مشاكل من سيارات الشحن بطريق الرياض حرض
وطريق الامارت حتى الحدود العمانية تمام التمام سيدين
طريق الحدود العمانية الاماراتيه تمام حتى عبري سيدين



عند وصولك الى عبري ستجد بمدخل عبري وعلى يمينك مستشفى عبري أحسب من بعد المستشفى دوارين وبعدها تبي تجيك وكالة تويوتا على يسارك ومن بعد الوكاله مباشره دوار رح يمين لطريق مؤدي الى تنعم + حمراء الدروع مسافة 9 كيلوا تبي تجيك محطة بنزين ( شل ) لازم تعبي منها بالبنزين وبعد المحطه بــ 100 متر تقريبا يبي يجيك ملف على يسارك بعد المسجد رح معه مسافة 88 كيلوا يبي يجيك دوار اسمه ( نتيه ) رح معه يسار مسافة 15 كيلوا بعدين يجيك ملف على اليمين مؤدي الى عويفيه لف معه مسافة 100 كيلوا بالتمام بعدها يبي يجيك طريف مسقط صلاله لف يمين بأتجاه صلاله وهنا تلتقي مع اللي جايين لصلاله مع طريق نزوى و بعد 25 كيلوا تبي تجييك محطة المها بالغابه لازم تعبي منها بنزين يتبقى عليك الى هيما 218 كيلوا هيما فيها محطتين بنزين متوفر فيها ومن بعد هيما تتجه الى سيح الغافتين 100 كيلوا فيها محطة بنزين ومن بعد سيح الغافتين تتجه الى قتبيت بمسافة 123 كيلوا فيها محطة بنزين عب فيها بنزين ولا توقف بأذن الله الا في ثمريت وهي على بعد 80 كيلوا من صلاله

المسافه من عبري الى صلاله عن طريق الطريق المختصر

من عبري الى ثمريت 860 كيلوا

من ثمريت الى صلاله 80 كيلوا

اناعن نفسي وصلت صلالة وكنت مصفر العداد بالرياض وقطعت 2020 كيلو فقط

أرجو اني افدتكم لا تنسوني من صالح دعواتكم
أخوكم ابومحمد القصيمي :)

[انت قلبي وحبي]

شكراا لكم
اقرب المسافات مااقال القصيمي
واختصار شديد
يعني من الرياض 2200 كيلووووو
تقريبا من عداد المسافات عندي
بس لاخذ الحذر اذا في امطار الانتباه عند الدخول لصلاله ليلا يكون هناك ضباب كثيف احذر تسلم
ولو يتم الدخول هاا نهارا افضل
وشكرا